Орталық туралы

Орталық бөлімдері

Аймақтық диагностикалық орталықта сегіз бөлім жұмыс істейді

Консультациялық бөлім

Мамандардың консультациялары

›

Диагностикалық бөлім

УДЗ, КТ, МРТ және рентген

›

Эндоскопия бөлімі

Гастроскопия және колоноскопия

›

Учаскелік қызмет бөлімі (емхана)

Учаскелік қызмет

›

Офтальмология бөлімі

Офтальмология

›

Көпбейінді хирургия бөлімі

Көпбейінді хирургия

›

Анестезиология, реанимация және қарқынды терапия бөлімі

Анестезиология және қарқынды терапия

›

Оңалту және терапия бөлімі

Оңалту және терапия

›

Аймақтық диагностикалық орталық — 30-дан астам мамандық бойынша консультациялық-диагностикалық қызмет көрсетуде 35 жылдық тәжірибесі, қуатты материалдық-техникалық базасы, жоғары білікті кадрлары және күрделі диагностикалық жағдайлармен жұмыс істеудегі бірегей тәжірибесі бар елдегі жалғыз медициналық орталық.

Аймақтық диагностикалық орталық — жоғары кәсіби мамандардың бірегей ұжымы. Олардың көпшілігі республикадан тыс жерде де танымал. Орталықта 16 медицина ғылымдарының докторы, профессорлар, 10 медицина ғылымдарының кандидаты және жоғары санатты дәрігерлер жұмыс істейді.

Бүгінде Аймақтық диагностикалық орталық — Алматы қаласындағы кең ауқымды медициналық қызмет, диагностикалық зерттеулер және стационарлық ем ұсынатын көпбейінді медициналық орталық. 

МИССИЯ

Әлемдік стандарттарға сәйкес Қазақстан Республикасының халқына ерте диагностика, превентивті медицина және медициналық көмектің толық циклін ұсыну

КӨЗҚАРАС

Халықтың кең тобына қолжетімді, клиентке бағытталған заманауи клиника: кезексіз, тыныш әрі жайлы, құпиялық сақталған ортада бастапқы диагностикадан, сараптамалық деңгейдегі диагностика мен «екінші пікірден» бастап амбулаториялық және стационарлық мамандандырылған әрі жоғары технологиялық емге дейінгі медициналық қызметтердің толық ауқымын ұсынады. Бизнес үдерістері ашық әрі түсінікті, клиенттік электрондық сервистері дамыған, өнімділігі жоғары және клиенттер мен қызметкерлердің жоғары қанағаттануын қамтамасыз етеді.

МАҚСАТ

1. Заманауи медициналық техниканы шоғырландырып, қарқынды пайдалану және ең жаңа диагностикалық технологияларды енгізу арқылы Алматы қаласы мен басқа өңірлердің халқына жоғары сапалы, қолжетімді әрі жайлы мамандандырылған консультациялық-диагностикалық және емдік көмек көрсету
2. Медициналық қызметтердің өңірлік нарығында тұрақты даму және жетекші орынға ие болу
3. Алматы қаласының денсаулық сақтау саласындағы ғылыми және техникалық әлеуетін дамытуға жәрдемдесу

МІНДЕТТЕР

1. Заманауи технологиялар мен диагностика және емдеу хаттамаларына негізделген қолжетімді, сапалы әрі ақпаратты консультациялық-диагностикалық және емдік көмек көрсету.
2. Профилактикалық тексерулер (check-up), скринингтер мен алдын алу іс-шараларын ұйымдастыру арқылы профилактикалық (превентивті) медицина қағидаттарын насихаттап, күнделікті тәжірибеге кеңінен енгізу.
3. Ғылыми қызметті дамыту, мамандарды даярлау және олардың біліктілігін арттыру саласында білім беру ұйымдарымен ынтымақтасу (клиникалық база);
4. Медициналық ұйымдарды басқарудың заманауи технологияларын дамыту және трансферттеу, сапаны басқару жүйесін дамыту, ресурстарды үнемдеу;
5. Кәсіпорынды ақпараттандыру, денсаулық сақтау ресурстарымен, халықпен, өзге де мүдделі тұлғалар және ұйымдармен ақпараттық өзара іс-қимылды дамыту.

Жоғары деңгейдегі диагностика — Орталығымыздың артықшылығы мен басымдығы!

Дәрігерлердің жоғары біліктілігі және заманауи диагностикалық әрі емдеу технологияларын пайдалануы жалпы терапиялық, көпбейінді хирургиялық және басқа да аурулардың кең ауқымын диагностикалап, емдеуге мүмкіндік береді.
Өткен 35 жылда орталығымыз 2 млн-нан астам пациент қабылдап, 9 млн медициналық қызмет көрсетті. Пациенттердің негізгі бөлігі — Алматы қаласының тұрғындары (65%), ал 35%-ы Алматы және басқа облыстардың тұрғындары.

Қаланың басқа медициналық ұйымдарының диагностикалық қызметтерінен айырмашылығы, Орталықта барлық жұмыс істеген жылдар бойы ауруларды мына бағыттарда кешенді диагностикалау және емдеу жүргізіледі:
   

•     компьютерлік және магниттік-резонанстық томографияны қоса алғанда, сәулелік диагностика;
•     жүрек-қантамыр, тыныс алу және жүйке жүйелері ауруларының функционалдық диагностикасы;
•     барлық ағзалар мен жүйелер ауруларының ультрадыбыстық диагностикасы;
•     эндоскопиялық диагностика;
•     амбулаториялық хирургия және урология орталығы;
•     офтальмологиялық орталық;
•     инсульт пен инфаркттан кейінгі оңалту және физиотерапия;
•     терапиялық бейіндегі күндізгі стационар;
•     тірі кезіндегі гистологиялық және цитологиялық диагностика;
•     консультациялық бөлім.

Аймақтық диагностикалық орталық клиникасында диагностика мен емдеу саласындағы жаңа бағыттар іске асырылды:

• ашылды Офтальмологиялық орталық балалар мен ересектерге жоғары технологиялық қызмет көрсету үшін жұмыс істейді. Мұнда жетекші офтальмолог мамандар — профессор Сулеева Б.О. және балалар офтальмологі, профессор ТелеуоваТ.С. еңбек етеді.

• ангиохирургияда заманауи емдеу әдістері енгізілді — лазерлік ангиология;
  

• урологиялық және эндоурологиялық операциялар жүргізіледі.